Әбеш уңғандары ла ҡушылды

Луганскиға сираттағы гуманитар ылау оҙатылды.

• Был турала социаль селтәрҙә БР Хөкүмәте Премьер-министры урынбаҫары Ирек Сәғитов хәбәр итте.
• «Башҡортостан Башлығы Радий Хәбировтың ҡушыуы буйынса Донбассҡа сираттағы гуманитар ылауҙы оҙаттыҡ. Йөктөң дөйөм ауырлығы — 230 тоннанан ашыу. 
• Бөгөнгә был — республиканан Донбассҡа ебәрелгән иң ҙур гуманитар ярҙам. Ул халыҡтың ихтыяжынан сығып төҙөлдө. Әлбиттә, иң тәүҙә аҙыҡ-түлек, төҙөлөш материалдары. 22-се гуманитар ылауҙың тағы ла бер үҙенсәлеге бар. Донбасс балаларына бер фургон художестволы китаптар ебәрҙек. Был ярҙам уҡыусыларға бик оҡшар тип ышанам. 
• Республика Донбассты яҡшы тормошҡа ҡайтарыу өсөн ҙур көсөн һала. Барыһына ла хәйерле юлдар теләйем!» — тип яҙған вице-премьер.