Һәр ауылдың үҙенә генә хас үҙенсәлеге була. Мәҫәлән, Баймаҡ районы Буранбай ауылында ир-егеттәрҙең барыһы ла йырлай тиерлек. Шуғаламы унан бик күп йырсылар сыҡҡан. Ә бына Кәрешкә ауылында йәшәүсе Тәнзилә Йәнтилина ҙ ауылында игеҙәктәр күплегенә хайран ҡала. хатта шаярып шиғыр ҙа сығарған:
Ҡашҡамы икән, башҡамы икән
Кәрешкәнең Аллаһы?
Кәрешкә килендәренең
Игеҙ була балаһы.
--Кәрешкә ауылында ни ғәжәптәндер игеҙәктәр йыш тыуа. Тәүге осраҡ 1990 йылдың 19 декабрендә теркәлә. Шәһит һәм Лилиә Йәнтилиндәрҙең Ғәҙел һәм Ғәҙилә исемле сабыйҙары тыуа.
Бөгөнгө көндә ауылда тағы ла 5 пар игеҙәк балалар йәшәй: 4 пар малай һәм 1 пар ҡыҙ. Уларҙы бер-береһенән айырыуы бик ҡыйын,--ти Тәнзилә Йәнтилина.
Ә һеҙҙең тарафта игеҙәктәр күпме? Ауылығыҙҙың үҙенсәлеге нимәлә?