Хәйбулла районында “Ауыл биләмәләрен комплекслы үҫтереү” программаһы уңышлы эшләй. Ошо көндәрҙә район хакимиәте башлығы Рөстәм Шәрипов Йәнтеш ауылынан күп балалы Ғилажевтар ғаиләһенә ауыл ерендә өй һалыуға социаль түләү танытмаһын тапшырҙы. Рәфҡәт һәм Земфира Ғилажевтар дәүләт ярҙамына үҙ көстәре менән күтәргән күркәм йорттарында бөтә уңайлы шарттар тыуҙырыуға булышлыҡ итәсәк.