Изгелектең юҡтыр сиктәре

Донъя өсөн ҡатмарлы осорҙа кешеләр изгелек эшләп ҡалырға тырышыуы ҡыуаныслы. Сибайҙа ла мәрхәмәтлеккә ҡушылыусылар етерлек. Изге Рамаҙан айында «Восток-Ойл» яғыулыҡ ҡойоу станцияһы (директоры Р.Йәрмөхәмәтов), “Урал аръяғының эшлекле донъяһы” бизнес-үҙәге, “Күстәнәс” кафеһы (шәхси эшҡыуар Юнысбаева) үҙәк дауаханаға төрлө ярҙам күрһәтте. Шәфҡәтлелек акцияһында ҡатнашыусылар дауаханаға 300 күп тапҡыр ҡулланыла торған битлек, 3 һаҡланыу костюмы, көҙгө, микротулҡынлы мейес, полиэтилен пленка һатып алып биргән. Быларҙың барыһы ла инфекцион госпиталгә тапшырылған.

--Изге ай, изге көндә ҡылған изгелектәрегеҙ үҙегеҙгә йөҙәр тапҡыр артып ҡайтһын,--тине үҙәк дауахананың баш табибы Р.Б.Нәҙерғолов, мәрхәмәтлек ҡылыусыларға рәхмәт әйтеп.