Йәштәр Сибай менән ҡыҙыҡһына

Форум сиктәрендә Сибай үҙәк дауаханаһы студенттар өсөн майҙансыҡ ойошторҙо. Ҡала медицина учреждениеһының баш табибы Р.Б.Нәҙерғолов сығыш яһаны. Ошонда уҡ йәштәр үҙәк дауахананың эшмәкәрлеге менән танышты, анкеталар тултырҙы, иҫтәлеккә фото төштө, махсус бүләктәр алып та ҡыуанды.

Баш ҡаланың «Торатау» Конгресс-холлында студенттарҙың тәүге#ДОМА(#ӨЙҘӘ) форумы үтте. Уның маҡсаты — республиканан ситтә уҡыған студенттар менән бәйләнеш булдырыу һәм дипломлы белгестәрҙе тыуған яҡтарына ҡайтарыу. Сарала Рәсәйҙең төрлө ҡалаларынан меңгә яҡын студент ҡатнашты.
#ӨЙҘӘ форумы Мәскәү, Санкт-Петербург, Силәбе, Ҡазан, Магнитогорск, Екатеринбург, Һамар, Пермь, Сорғот, Ижевск, Пенза ҡалаларынан студенттарҙы берләштерҙе. Улар өсөн сарала 12 төрлө тематик майҙансыҡ эшләне. Майҙансыҡтарҙағы иң актив студенттарға республиканың төрлө министерство һәм ведомстволарында танышыу практикаһын үтеүгә сертификаттар тапшырылды.

Форумдың икенсе өлөшөндә республика етәкселеге менән формаль булмаған шарттарҙа аралашыу үтте. Һәр студент үҙенең һорауын бирә алды. Ҡыҙыҡлы һәм актуаль һорау авторҙарына Республика Хөкүмәтендә стажировка үтергә мөмкинселек алды.

--Сараны үткәреү инициаторы — Республика Башлығы Радий Фәрит улы Хәбиров. Ул үҙе сарала була алманы, әммә студенттарға видеояҙма ҡалдырған ине.

Асыҡ диалогтарҙан һәм аралашыуҙан һуң, республика юғары уҡыу йорттарына һәм ойошмаларына экскурсиялар ойошторолдо. Төбәктәрҙә студенттарҙы берләштереү эшен дауам итеү мөһим,--тине форумда ҡатнашыусы Сибай үҙәк дауаханаһының табип-травматологы Линар Ҡыҙрасов. Әйткәндәй, форум сиктәрендә Сибай үҙәк дауаханаһы студенттар өсөн майҙансыҡ ойошторҙо. Ҡала медицина учреждениеһының баш табибы Р.Б.Нәҙерғолов сығыш яһаны. Ошонда уҡ йәштәр үҙәк дауахананың эшмәкәрлеге менән танышты, анкеталар тултырҙы, иҫтәлеккә фото төштө, махсус бүләктәр алып та ҡыуанды.