Танытмаң булһа, ташлама була...

Кисә, йәғни 15 октябрҙә, Башҡортостанда күп балалы ғаиләләргә танытмалар бирелә башланы. Бындай документ бюрократиянан азат итеп кенә ҡалмай, сауҙа үҙәктәрендә, музей һәм театрҙарҙа ташламалар менән ҡулланыу хоҡуғын да бирә.

Төбәктә танытма беренсе тапҡыр барлыҡҡа килде. Уны юллау өсөн урындағы күп функциялы үҙәккә мөрәжәғәт итергә кәрәк. Әлеге көндә республикала 46 мең күп балалы ғаилә йәшәй.