Именлек үҙебеҙҙең ҡулда

Башҡортостан Республикаһы Сибай ҡалаһы ҡала округы хакимиәте биләмәһендә 2016 йыл башынан күҙәтеү һәм профилактик эштәр бүлеге хеҙмәткәрҙәре тарафынан янғынға ҡаршы хәүефһеҙлек буйынса күп кенә эштәр атҡарылды. Яңғыҙ йәшәүсе өлкән йәштәге граждандар, күп балалы ғаиләләр һәм ауыр тормош хәлендә ҡалыусылар араһында профилактик саралар үткәреүгә айырыуса ҙур иғтибар бүленде. Йыл башынан 650 күп балалы ғаиләгә, 405 яңғыҙ йәшәүсе өлкән йәштәгеләргә һәм 420 ауыр хәлгә тарыған ғаиләгә рейд уҙғарылды. Бөтәһе 3254 йорт биләмәһендә тикшереү үткәрелде.

Башҡарылған эштәр ҡаланың янғынға ҡаршы һаҡлыҡ саралары кимәлен нығытты һәм янғындарҙың кәмеүенә булышлыҡ итте. Шулай ҙа 2016 йылдың 25 октябренә ҡарата Сибай ҡала округы ҡала хакимиәте биләмәһендә 63 янғын осрағы теркәлде. Унда 2 кеше янып үлгән, 5-әүһе төрлө тән йәрәхәттәре алған.

Янғын хәүефһеҙлеген тәьмин итеүҙә планлаштырылған һәм пландан тыш күсмә тикшереүҙәр өҫтөнлөклө йүнәлештәрҙең береһе булып тора. Йыл башынан хеҙмәткәрҙәр тарафынан 48 тикшереү уҙғарылды, шуларҙың 14-е планлаштырылған һәм 34-е планлаштырылмаған. Тикшереү барышында 437 янғын хәүефһеҙлеген боҙоу осрағы теркәлгән.

Шуны ла билдәләп үтке килә: күп кенә етәкселәр был эшкә яуаплы ҡарай, ләкин араларында янғын хәүефһеҙлеген тәьмин итеү буйынса талаптарҙы үтәмәүселәр ҙә осрай. Киләсәктә был етди проблемалар тыуҙырырға мөмкин. Ошонан сығып учреждениелар етәкселәрен янғын хәүефһеҙлеге ҡағиҙәләрен һәм талаптарын үтәмәүҙә шәхсән яуап бирәсәктәре тураһында иҫкәртеп китәбеҙ.

Федераль дәүләт янғын күҙәтеүе ҡағиҙәләрҙе теүәл үтәүегеҙҙе һорай. Именлек үҙебеҙҙең ҡулда икәнен онотмайыҡ!

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин