28 авгусҡа ҡәҙәр Башҡортостанда һайлаусыларға адреслы мәғлүмәт һәм хәбәр итеү ойоштороласаҡ

 Участка һайлау комиссиялары ағзалары түбәндәге маҡсатта өйҙән өйгә йөрөйәсәк:

- ҡасан һәм ҡайҙа тауыш бирергә мөмкин булыуы хаҡында һөйләргә;
- һайлау участкаһының адресын хәбәр итергә;
- сәләмәтлек торошо йәки башҡа сәбәптәр буйынса участкаға килә алмаған һайлаусыларға ярҙам итергә.

 Үҙе менән участка һайлау комиссияһы ағзаһы танытмаһы һәм кәрәкле полиграфия продукцияһы аласаҡ.

Хәтерегеҙгә төшөрәбеҙ, Башҡортостанда тауыш биреү көндәре – 2024 йылдың 6, 7 һәм 8 сентябре.

Бөтәһе 218 һайлау кампанияһы үтә:

- Башҡортостан Башлығын һайлау;
- 54-се Өфө бер мандатлы округы буйынса Башҡортостан Дәүләт Йыйылышы - Ҡоролтай депутатын өҫтәмә һайлау;
- ҡала, район һәм ауыл советтарына депутаттар һайлау буйынса 216 кампания.