Баймаҡтар ир-егеттәрен оҙатты

Баймаҡтан Пенза ҡалаһына бер төркөм ир-егеттәр Ватан һағына юлланды.Был хаҡта Баймаҡ районы хакимиәте башлығы Фәнис Әминев социаль селтәрҙәге сәхифәһендә яҙҙы:

-Егеттәрҙе оҙатырға уларҙың туғандары һәм яҡындары килде. Хис-тойғолары төрлө: кемдер илай, кемдер шаярта һәм көлә. Барыһы ла буласаҡ яугирҙәрҙең тиҙерәк өйгә ҡайтыуына өмөтләнә.

Һеҙ - ысын Геройҙар! Һәр берегеҙгә ныҡлы һаулыҡ, батырлыҡ һәм еңеүгә ихтыяр теләйем. Беҙ һеҙгә ышанабыҙ! Барыһы ла килеп сығасаҡ!

Беҙҙең бөтә яугирҙәр кәрәкле бар нәмә менән йыһазландырыласаҡ. Беҙ мобилизацияланғандарҙың ҡатындарына, балаларына һәм ата-әсәләренә ярҙам күрһәтеүҙе дауам итәсәкбеҙ.

Автор:Гульдар Кадаева