Путин Иркутск өлкәһендәге ташҡын ваҡытында кешеләргә ярҙам күрһәткән 9 ҡотҡарыусыны бүләкләне

Ил башлығы Владимир Путин Иркутск өлкәһенән 9 кешене ташҡын ваҡытында халыҡҡа ярҙам күрһәткәне өсөн миҙал менән бүләкләне.

Президент СИЗО хеҙмәтсеһе Николай Алексеенконың, табип Марина Болганованың, фельдшер-акушер пункты етәксеһе Татьяна Торгольскаяның, "Мәскәү тракты" компанияһының генераль директоры Олег Леоновтың, слесарь Александр Смолягиндың, эшҡыуарҙар Евгений Татарников һәм Александр Якубовтың, шулай уҡ фермер Константин Хохловтың ҡыйыу һәм тәүәккәл эш итеүен билдәләп үтте.

Ошо атап үтелгән кешеләр миҙал менән бүләкләнде.

Бынан тыш ил башлығы биш гражданға дәртләндереүсе бүләктәр тапшырҙы. Улар араһында Тулун мәктәбе уҡыусылары ла бар.

#ВВПУТИН