-5 °С
Ҡар
Бөтә яңылыҡтар
Еңеүгә - 80 йыл
19 Май 2025, 11:50
Еңеү паркы булдырыла
Хәйбулла районының Бүребай ауылында Бөйөк Еңеүҙең 80 йыллығы исемендәге парк төҙөлөлә башлай. Уның беренсе ташын Бөйөк Еңеү байрамының 80 йыллығы тантаналы билдәләгән мәлдә Хәйбулла районы хакимиәте башлығы Рөстәм Шәрипов менән Бүребай тау-байыҡтырыу комбинатының генераль директоры Рөстәм Аблаев һалынды. Паркта ял итеү һәм спорт менән шөғөлләнеү урындарын булдырыу күҙаллана. Проект буйынса яңы биләмәнең дөйөм майҙаны 11 500 квадрат метр тәшкил итәсәк. Ул үҙ эсенә төрлө ял итеү урындарын аласаҡ. Төрлө йәштәге балалар өсөн заманса уйын элементтары менән йыһазландырылған майҙансыҡтар, ял итеү өсөн уңайлы беседка, эскәмйәләр ҡуйыласаҡ. Төрлө бәүелсәк, әүһәләктәр, саф һауала спорт менән шөғөлләнеү өсөн урам тренажерҙары, воркаут зонаһы булдырыу ҡаралған.
Еңеү паркы булдырыла
Яңы паркты йәшелләндереү маҡсатында иң беренсе сиратта Бөйөк Еңеүҙең 80 йыллығы сиктәрендә 80 төп ағас ултыртыу планлаштырыла. Ял итеү урынының барлыҡҡа килеүе ауылдың инфраструктураһын үҫтереүгә һәм халыҡтың йәшәү сифатын яҡшыртыуға ҙур өлөш индерәсәк. Быға ҡәҙәр бүребайҙарҙың асыҡ һауала ял итергә һәм спорт менән шөғөлләнергә махсус урындары булманы.
Паркка нигеҙ ташы һалынғандан һуң етәкселәр ауыл халҡы ойошторған "Үлемһеҙ полк" маршына ҡушылды. Артабан улар Бөйөк Ватан һуғышы яугирҙәре һәйкәлдәренә сәкәләр һалып, фашизмды үҙ ояһында дөмөктөрөүгә күп көс һалған яҡташтарҙы бер минутлыҡ тынлыҡ менән иҫкә алды.
Еңеү паркы булдырыла
Новости партнеров