Михайловкала һәйкәл асылды

Хәйбулла районының Михайловка ауылында Бөйөк Ватан һуғышы батырҙары иҫтәлегенә иҫтәлекле урын булдырылды. Һәйкәл асыу тураһында ауыл халҡының күптәнге хыялын Вәсил Солтанов тормошҡа ашырған. Михайловканан дәһшәтле һуғыш йылдарында һәләк булған 128 яугирҙың исеме уйып яҙылған һәйкәлде төҙөүҙә барлыҡ ауыл халҡы ҡатнашты. Кемдер финанс яҡтан ярҙам итһә, икенселәр төҙөлөш эшендә әүҙем ҡатнашты.Михайловкалылар өсөн мемориал асылыуы әһәмиәтле ваҡиға. Бәләкәй генә ауылдан 200-гә яҡын кеше фронтҡа китә. Шуға күрә геройҙарҙың исемен мәңгеләштереү бик мөһим, ти ауыл халҡы.

Әйткәндәй, ауыл халҡы тағы ла бер проект тураһында һөйләне. Ата-әсәләр балаларын ҡыуандырып, балалар бәүелсәктәре ҡуйған. Киләһе йыл иһә уйын майҙансыҡтарын төҙөкләндереү эшен тамамларға планлаштыралар.

Автор:Гульдар Кадаева