Йылайыр шайморатовсылары Өфөлә!

Баш ҡалабыҙ Өфөлә Йылайыр районы Йылайыр ауылы Шәйехзада Бабич исемендәге башҡорт гимназияһының 6-сы класс уҡыусылары «Шайморатовсылар» сафына алынды.

Легендар генералдың исемен йөрөтөүселәр һәр яҡлап өлгөлө булырына шик юҡ!

Иҫегеҙгә төшөрәбеҙ:

Өфөлә Совет майҙанында Рәсәй Геройы, 112-се Башҡорт кавалерия дивизияһы командиры, генерал-майор Миңлеғәли Шайморатовҡа һәйкәл асылды.
Монументтың бейеклеге 15 метр. Һәйкәл асылғандан һуң көн һайын 12.00 сәғәттә майҙандағы кураннтарҙа "Шайморатов-генерал" йырының көйө уйнатыла. Һәйкәл комплексының авторы – скульптор Салауат Щербаков.

Автор:Гульдар Кадаева