Яңы мәҙәниәт йорто

Хәйбулла районы Подольск ауылында тиҙҙән «Башҡорт баҡыры» яуаплылығы сикләнгән йәмғиәте ярҙамында яңы модулле мәҙәниәт йорто үҙ ишектәрен асасаҡ.

Объектта эштәр тулы көсөнә бара. Подрядсылар эске биҙәү эштәрен тамамлауға, шул иҫәптән түшәмдәр ҡороуға, вентиляция һәм янғын һүндереү системаларын монтажлауға иғтибар бүлә. Шулай уҡ эргә-тирәләге территорияны төҙөкләндереү эштәре алып барыла: буласаҡ асфальт япма һәм плитка өсөн нигеҙ һалына, һыуҙы ағыҙыу системаһы төҙөкләндерелә һәм яҡтыртыу ҡуйыла. Тиҙҙән бында халыҡтың уңайлығы өсөн эскәмйәләр һәм башҡа элементтар барлыҡҡа киләсәк. «Башҡорт баҡыры» йәмғиәтенең матбуғат хеҙмәтенән хәбәр итеүҙәренсә, яңы мәҙәниәт йорто ауыл өсөн күп функциялы үҙәк буласаҡ. Ул төп сәхнә менән 130 урынлыҡ тамаша залы, шулай уҡ саф һауала саралар үткәреү өсөн йәйге сәхнә менән йыһазландырыласаҡ. Айырым грим бүлмәләре, персонал өсөн биналар, спорт менән шөғөлләнеү һәм ирекле тәғәйенләнештәге зоналар ҡаралған, улар китапхана йәки түңәрәк дәрестәр өсөн ҡулланыла ала. Килеүселәрҙең уңайлылығы өсөн ике айырым санузел йыһазландырыласаҡ. Бөтә төҙөлөш-монтаж эштәрен тамамлау быйыл йыл аҙағына билдәләнгән.