Йәш бөркөттәр ҡанат нығыта

"Рәсәй бөркөттәре" программаһы "Мәғариф" милли проекты сиктәрендә башланғыс синыф уҡыусыларының әүҙемлеген арттырыуға йүнәлтелгән. Был йүнәлешкә әлеге ваҡытта илдә 5 миллион кеше йәлеп ителгән. Рәсәй балалар һәм йәштәр хәрәкәтенең беренсе баҫҡысы булып иҫәнләнгән проектҡа Сибай ҡалаһының 12-се мәктәбе уҡыусылары ла ҡушылды.

-«Рәсәй бөркөтө» нә бағышлау тантанаһы уның бөтә ҡатнашыусылары өсөн мөһим ваҡиға. Был тантаналы сара балалар өсөн айырыуса мөһим, сөнки, унда уларҙы күп яңы, танып белеү, ҡыҙыҡлы һәм файҙалы нәмәләр көтә,-- тине ҡаланың 12-се мәктәбе директоры Ғилминур Йыһанша ҡыҙы ғәйнуллина.

Мөһим ваҡиға уңайынан уҡыусыларҙы махсус хәрби операцияла ҡатнашыусы яугир тәбрикләне.

"Бөркөт" булыу-ул хөрмәт кенә түгел, яуаплылыҡ та, ул һәр нәмәлә һәм һәр ваҡыт алда булыуҙы, Үҙендә Ватанға һөйөү, эшһөйәрлек һәм белемгә ынтылыш, намыҫлылыҡ һәм юғарылыҡ, тыйнаҡлыҡ, дисциплиналылыҡ тәрбиәләүҙе аңлата. Уҡыу йылы дауамында мәктәп уҡыусылары класс етәкселәре һәм директорҙың тәрбиә буйынса кәңәшсеһе етәкселегендә «Рәсәй бөркөтө»исеменә лайыҡ булыр өсөн төрлө сараларҙа һәм акцияларҙа ҡатнашасаҡ.

ФОТИО ИНТЕРНЕТТАН