Торлаҡлы булдылар

Сибайҙа 4 етемгә торлаҡ асҡыстары алып ҡыуанды. Оло тормошҡа аяҡ баҫыусы йәштәргә үҙ торлағың булыу ҙәр бәхет. Быға ҡәҙәр опекундар менән йәшәгән ҡыҙҙар-егеттәр хәҙер үҙ аллы тормош көтә башлаһа ла була. Әйткәндәй, бер нисәһенең үҙ ғаиләләре, балалары ла булыуы һөйөнөслө.

Был көндә етем балаларҙы бағып үҫтереүсе опекундарға  Рәхмәт хаттары тапшырылды. Улар тырышлығы, көсө менән етемдәр тормошта юғалып ҡалмаған.

-2023 йылға “Торлаҡ” милли пректына ярашлы ҡала ҡаҙнаһына етемдәргә һәм ата-әсә ҡарауынан мәхрүм ҡалғандарға торлаҡ алыуға федераль һәм республика бюджетынан 22 миллион һум аҡса күскән. Әлеге көндә торлаҡ шарттарын яҡшыртыу исемлегендә 122 кеше иҫәптә тора, - ти опека һәм попечителлек бүлеге начальнигы Ирина Сидоренкова.