+13 °С
Ясно
Милли проекттар
27 Января 2022, 10:00
Фән үрҙәрен яулайҙар
Ғинуар аҙағында билдәләнгән Рәсәй студенттары көнөн БДУ-ның Сибай институты студенттары яҡшы кәйеф менән ҡаршылай. Ни тиһәң дә ҡышҡы сессия тамамланыуға бара, алда йәштәрҙе күңелле каникул көтә. Бейек баҫыс һөйәп ҡуйып, фән үренә үрләгән студенттар төн йоҡоларын йоҡламай конспект яҙып, лекция, китаптар уҡып беренсе семестр имтихандарын тапшыра. Ҡойроҡтарынан ваҡытында ҡотолоп, ата-әсәһе эргәһенә таҙа намыҫ менән ҡайтыр өсөн һәр кем ҙур тырышлыҡ һала. Урал аръяғындағы берҙән-бер юғары уҡыу йортонда 2200 студент белем ала. Бында белем биреү процессы“Фән”милли проектына ярашлы ойошторолған.
Фән үрҙәрен яулайҙар
Институт етәкселеге һәм уҡытыусылар коллективы ҡыҙҙар-егеттәргә уҡыуҙарында һәр яҡлап ярҙам күрһәтә. Уларҙың һәр ҡайһыһы тормошта үҙ юлын табып, эшкә урынлашып, илебеҙҙең лайыҡлы шәхестәре булып китеүҙәрен теләй.
Йәшлек – ул үҙе бер ҡанатлы мәл. Ә студент саҡ ул иң күңелле саҡ. Әрмелә булыусылар тормош мәктәбен үтә тиһәләр, студент булыусылар ысын йәшлекте татый. Белем эстәп, һөнәр алып, төрлөһө төрлө яҡҡа таралғас та был йәштәр беҙҙе Сибай институты таныштырҙы, дуҫлаштырҙы тип әйтерлек булһын
