«Еңеү бүләге—«Атайсал»

“Атайсал” гәзите редакцияһы етеп килгән 9 май - Еңеү көнө уңайынан «Еңеү бүләге—«Атайсал» акцияһы дауам итә. Сибай ҡалаһынан ике ветеранға баҫмабыҙҙы бүләк итеүсе Сибай төҙөлөш һәм сервис колледжы директоры Азамат Миңлеғәли улы Көмөшҡоловтың теләктәрен еткерәбеҙ:

-Илебеҙ тамырының ныҡлығы Бөйөк Ватан һуғышы ветерандарының ҡаһарманлыҡ, тыл ветерандарының тырышлыҡ, һуғыш балаларының сабырлыҡ һөҙөмтәһе. Шуға күрә ветерандар һәр ваҡыт ҡәҙер-хөрмәттә йәшәргә тейеш. Беҙ уларҙың башланғысын лайыҡлы дауам итергә, балаларға яҡты киләсәк булдырырға бурыслыбыҙ. Барлыҡ ветерандарға ла ныҡлы һаулыҡ, балаларының, ейән-ейәнсәрҙәренең иғтибарына күмелеп бәхетле ҡартлыҡ кисереүҙәрен теләйем.