Темәстә спорт залы асылды

Радий Хәбировтың инициативаһы менән республикала эшләп килгән "Спорт көрәше - Башҡортостан Республикаһы мәктәптәренә" проекты сиктәрендә Баймаҡ районы Темәс ауылы мәктәбендә милли көрәш буйынса шөғөлләнеү өсөн зал асылды.

"Хәҙер беҙҙең районда ошондай 3 зал бар, республикала был зал 50-се. Йәш спортсылар менән көрәш буйынса секция етәксеһе Самат Намазкаев һәм "Ауыл тренеры" программаһы буйынса эш башлаған йәш педагог Әмир Әхмәров шөғөлләнәсәк. Республика етәкселегенә республикала һәм беҙҙең районда ошо спорт төрөн үҫтереүгә әүҙем өлөш индергәне өсөн рәхмәтебеҙҙе белдерәбеҙ. Спортсыларға киләсәктә уңыштар теләйбеҙ," -тип яҙған бәйләнештәге диуарында Баймаҡ районы хакимиәте башлығы Фәнис Әминев.