Бөтә яңылыҡтар
Милли проекттар
25 Февраль 2021, 17:55

Эх, бүләге лә, бүләге!

«Башҡортостан Республикаһы» нәшриәт йорто ойошторған “Яҙыл да бүләк от” акцияһының бүләктәре Урал аръяғына юлланды.

«Башҡортостан Республикаһы» нәшриәт йорто ойошторған “Яҙыл да бүләк от” акцияһының бүләктәре был юлы Урал аръяғына юлланды. Ҡар таҙартыу машинаһын Баймаҡ районы Ишмырҙа ауылы фельдшеры Зилә Ҡотлоғужина отҡан.
- Мин “Һаҡмар” һәм “Йәшлек” гәзиттәренә яҙылдым да квитанцияны нәшриәткә ебәрҙем. Эш мәшәҡәттәре менән акция тураһында бөтөнләй онотҡанмын. Дуҫтарым “Сәләм” программаһында уйында еңеүемде ишетеп, һөйөнсөләнеләр. Әлбиттә, минең өсөн бүләк алыу бик ҡыуаныслы. Ойоштороусыларға ҙур рәхмәтемде белдерәм,- ти Зилә Ҡотлоғужина.
Электр самокатын Әбйәлил районынан Зөһрә Дәминдәрова отҡан. Бүләктәрҙе «Башҡортостан Республикаһы» нәшриәт йорто хеҙмәткәре Айнур Дәүләтбәков тапшырҙы.