Илина Аҡбулатова—Башҡортостан Республикаһы Башлығының стипендиаты

Сибай ҡалаһының Балалар сәнғәт мәктәбенең “Толпар” өлгөлө хореография ансамбле солискаһы Илина Аҡбулатова Башҡортостан Республикаһы Башлығының стипендиаты булып танылды. Республика Башлығы Указына, төбәктә мәҙәниәтте үҫтереүгә йүнәлтелгән “Мәҙәниәт” милли проектына ярашлы 2019-2020 уҡыу йылында бындай дәртләндереү сараһына юғары уңыштарға өлгәшкән мәктәп уҡыусылары, өҫтәмә белем биреү учреждениелары тәрбиәләнеүселәре лайыҡ булған.

Бейеүсе ҡыҙ Илина сәнғәт өлкәһендә профессиональ программаларҙы үҙләштерергә ярҙам иткән “Толпар” ансамбле етәксеһе Алһыу Шәмсетдин ҡыҙы Хафизоваға ҙур рәхмәтле.

#нацпроекты