Байрам итәйек бергәләп!

24 августа Сибай ҡалаһында Ҡала һәм Шахтерҙар көнөнә арналған байрам сараһы үткәреләсәк.

“Мәҙәниәт” милли проекты сиктәрендә үткәрелгән сара барышында 12.00-19.00 сәғәттәрҙә байрамға арналған һатыу итеү нөктәләренең һәм “Урал аръяғы оҫталары”ның I Төбәк-ара фестиваль-күргәҙмәһенең эшләүе көтөлә. Шулай уҡ кейеҙ баҫыу буйынса II Асыҡ ҡала конкурсы һәм ошо уҡ юҫыҡтағы оҫталыҡ дәрестәре буласаҡ.

14.00-16.00 сәғәттәрҙә “Урал аръяғы тауышы. Балалар” конкурсы ҡатнашыусыларының концертын һәм «Йондоҙло ҡалам—Сибай» театрлаштырылған тамашаһын ҡарап ҡыуаныу мөмкинлеге бар.

Шулай уҡ байрам көнөндә 16.00-18.00 сәғәттәрҙә “Атай булыу—бәхет” һәм “Туй сәйәхәте от!” акциялары ла үткәреләсәк. Ә инде 16.00-19.00 сәғәттәрҙә физик көстәре менән айырылып тороусылар “Урал аръяғының иң көслө кешеһе – 2019” VI көс экстримы ярышында көс һынашасаҡ.

19.00-22.00 сәғәттәрҙә “Йырлаусы һәм бейеүсе Сибай” концертын ҡарай алаһығыҙ.

Байрам сараларын 22.00 сәғәттә сағыу фейерверк тамамлаясаҡ.

#нацпроекты