Йәш белгескә өмөттәр ҙур

Сибай үҙәк дауаханаһы коллективы “Һаулыҡ һаҡлау” милли проекты сиктәрендә йәш белгестәр менән тулыланыуын дауам итә. Ошо көндәрҙә генә ҡалабыҙ дауаханаһында педиатр, балалар кардиологы, функциональ диагностика табибы Әлиә Ғәлимйән ҡыҙы Ҡәҙерғәлина эшләй башланы. Белгес баш ҡаланың Башҡорт дәүләт медицина университетында уҡып, кардиолог специальносы алған.

Хеҙмәт юлын Өфө поликлиникаларының береһендә кардиолог булып башлаған. Сибайҙа ул балалар соматикаһы бүлегендә табип-педиатр булып эшләй. Шул уҡ ваҡытта бүлек мөдире вазифаһын да башҡара. Әлиә Ғәлимйән ҡыҙы йөрәк-ҡан тамырҙары ауырыуҙарынан яфаланған балаларҙы ла ҡабул итәсәк.

#нацпроекты