-21 °С
Болотло
Бөтә яңылыҡтар
Мәҙәниәт
23 Август 2025, 12:15
Еңеүселәр билдәләнде
Бөйөк Еңеүгә 80 йыл тулыуы уңайынан Баймаҡ биләмә-ара үҙәк китапханаһы 25 февралдән 30 июнгә тиклем район хикәйәләр конкурсы иғлан итте. Уның шарттары буйынса 18 йәштән өлкән бәйгеселәр ҡатнашты. Конкурсҡа Баймаҡ ҡалаһы һәм районынан 14 авторҙан 16 хикәйә, шул иҫәптән икәүһе – рус телендә, ҡалғандары башҡорт телендә килде. Авторҙарҙың күптәре “Йәнгүҙәй” әҙәби-ижад берекмәһе ағзалары булһа, улар араһында яңы исемдәр булыуы ла ҡыуандыра. Хикәйәләрҙе яҙыусы, Рәсәй һәм Башҡортостан Яҙыусылар Союздары ағзаһы Зөлфирә Ҡаҙаҡбаева баһаланы. Кисәлә Зөлфирә Йәғәфәр ҡыҙы һәр ижадсының эшенә төплө, ентекле анализ яһаны, фәһемле кәңәштәрен еткерҙе. Артабан Баймаҡ биләмә-ара үҙәк китапханаһы директоры Гөлназ Әкрәм ҡыҙы Сабирова еңеүселәрҙе бүләкләне.
Еңеүселәр билдәләнде
Бына улар:
1-се урын - Зәкиә Сөләймәнова, “Хәнифә” хикәйәһе өсөн;
2-се урын - Гөлнәзирә Кәримова, “Нисек түҙә әсә йөрәге?..” хикәйәһе өсөн;
2-се урын – Гөлбикә Кейекбаева, “Икенсегә килгән бәхет” хикәйәһе өсөн;
3-сө урын - Сәғиҙә Рахманғолова, “Һуғыш алды ғәзиз баламды” хикәйәһе өсөн;
3-сө - урын - Зөлхиә Ғәлина, “Әйтеү” хикәйәһе өсөн;
3- сө урын - Ләйлә Мырҙағәлина-Иҫәнбаева, “Бүләк” хикәйәһе өсөн.
Клара Урызбаева, Әнүзә Мәжитова, Сәлимйән Вәлиев, Борис Хәйретдинов, Гөлбикә Кейекбаева, Фарида Исмагилова, М.Минбагисов, Татьяна Лаврусенко, Рәйсә Иҫәнбаева “Әүҙем ҡатнашыусы” сертификаты менән бүләкләнде.
Еңеүселәр билдәләнде
Новости партнеров