Афарин, «Сулпан»дар!

9 июндә Күгәрсен районында - Мораҙым тарлауығы паркында «Мораҙымдың моңло хазинаһы» исемле республика фестивале уҙҙы. Ул ике номинацияла — «Заманалар мираҫы» фольклор бейеүе һәм «Данлы ил «Башҡортостан» патриотик йырҙар конкурсы рәүешендә үтте.

Сибай ҡалаһының «Сулпан» балалар вокаль ансамбле патриотик йыр башҡарып, икенсе урын алды. Етәкселәре - Дилә Хәсәнова. Афарин! Яулайһы уңыштарығыҙ күп булһын!