Бирешмәйҙәр сибайҙар!

Беҙгә яҙалар:Башҡорт академия театрының ҙур залында Өфө тамашасыһына матур сара тәҡдим ителде. Сибай концерт-театр берекмәһенең "Сибай" бейеү ансамбленең "Дәртле йәшлек бейеүҙәре, һағындырҙың Ритайым" исемле концерты тулы зал менән, дәррәү алҡыштарға күмелеп үтте. Йыл буйы әҙерләнгән программа өҙөлөү сигендә ине. Нәҡ ошо коллективтан 12 артист мобилизацияға эләкте һәм әлеге көндә Ҡазан эргәһендә әҙерлек үтә.

Сибай филармонияһының үҙенсәлеге шунда - бер ҡасан да баҙап ҡалмайҙар! Күтәренке рухта әрмегә киттеләр! Башҡортостанды ғына түгел, бөтә Рәсәйҙе һоҡландырҙылар беҙҙең яугирҙар! Тиҙ арала хеҙмәткә киткән йәштәр урынына бейеүҙәргә яңы бейеүселәр ҡуйылды. Һынатманылар, афариндар! Полигондагыларға тура эфир ойошторолоу тамашаға ҙур мәғәнә өҫтәне. Залда ултырған яҡташтары, сәхнәлә бейегән ата-әсәләре, ҡатындары, дуҫтары - үҙҙәрен берҙәм ғәилә итеп тойҙо. Күҙ йәштәре аша "Шайморатов" йырын резервист егеттәребеҙ менән йырлау иң тетрәндергес мәл булды.... "Имен ҡайтығыҙ!" - тип теләктәр теләнеләр залда ултырғандар.

👍Башҡортостандың атҡаҙанған артисы Гөлназ Аҡназарова.

Бирешмәйҙәр сибайҙар!

Автор:Гульдар Кадаева