Йәш көстәр

Сибай ҡалаһының моделле йәштәр китапханаһында “Мәҙәниәт” милли проекты һәм Рәсәй Президенты фондының мәҙәниәт инициативаһы сиктәрендә “Йәш әҙәбиәтселәр акселераторы” исемле проект старт алды. Был проекттың төп маҡсаты--10 йәштән 20 йәшкә ҡәҙәр әҙәбиәткә ғашиҡ талантлы, һәләтле уҡыусы балаларҙы һәм студенттарҙы асыҡлау һәм берләштереү. Проектың остаздары итеп “Атайсал” гәзитенең баш мөхәррире, Башҡортостандың атҡаҙанған мәҙәниәт хеҙмәткәре, яҙыусы Хәйҙәр Ниғәмәт улы Тапаҡов, Сибай ҡалаһының яҙыусылар берлеге рәисе, драматург Әминә Миндеғол ҡыҙы Яхина, “Рәсәй газетаһы”ның Өфө филиалы редакторы Гөлнәзирә Роберт ҡыҙы Ишбирҙина тәғәйенләнде. Уларға йәш ҡәләм тирбәләтеүселәрҙе һайлап алып, поэзия, проза, драматургия һәм журналистика серҙәрен өйрәтеү бурысы йөкмәтелде. Проектта ҡатнашыусыларҙың эш һөҙөмтәһе булып “Бәхетле бала саҡ” китабы сыҡты. Ошо китапҡа ингән ижади эштәрҙе һеҙҙең иғтибарға тәҡдим итәбеҙ.

Йәш көстәр

Тыуған ер

Тыуған ерем Йылайырым,

Ғәзиз ерем, матур ерем.

Унда йәшел урмандар,

Йәмгә күмеп тирә-йүнде,

Ауылды уратып алғандар.

Тәбиғәткә барҙы ниһәң,

Төрлө сәскәләр үҫә.

Тыуған ер, тыуған ер,

Кендек ҡаным тамған ер.

Тыуған илем, тыуған ерем,

Башҡортомдоң баш йорто,

Баш йорто һәм йәм-ҡото,

Икһеҙ-сикһеҙ далалар,

Балҡып аға йылғалар.

Бейек-мәғрур тауҙар иле,

Атам-әсәм ере һин.

Тыуған илем, тыуған ерем,

Йәнгә һыймай һөйөүем,

Мәңге йырлар көйгөнәм,

Тыуған-үҫкән ергенәм.

Йәрмөхәмәтова Элина, 16 йәш,

Сибай төҙөлөш һәм сервис колледжы.

Автор:Гульдар Кадаева