Сибай халҡы дәртле

Сибай ҡалаһының Халыҡ мәҙәниәте һәм ял үҙәгендә ҡаланың хеҙмәт коллективтары араһында художестволы үҙешмәкәр смотр-конкурсының һайлап алыу туры үтте. VI Бөтә донъя фольклориадаһына арналған сарала һәр кем һәләттәрен күрһәтергә ашыҡты. Был көндө төрлө һөнәр эйәләрен йыр-моңға һөйөү берләштерҙе. Сибай автотранспорт предприятиеһы водителе Рәүил Мөхәмәтғәлин йәштән йырларға ярата. Ул ҡасандыр ҡалала “Сентябрь” төркөмөн ойоштороусыларҙың береһе лә була. Төп эше автобус йөрөтөү булһа ла Рәүил йырҙан айырылмай. Йыл һайын туған коллективының намыҫын яҡлап сәхнәгә сыға. Был юлғы смотр-конкурста ла ул күңеленә ятҡан йырҙы башҡарҙы.Смортр-конкурста 50-нән ашыу сығыш ҡаралды. Жюри ағзаларына улар араһынан оҫта йырсы, бейеүселәрҙе, ижади коллеквтарҙы һайлап алыу еңелдән булманы.