Телемарафон башланырға ике сәғәт ваҡыт ҡалды

1 июндә 19:00 сәғәттә БСТ телеканалы һәм социаль селтәрҙәрҙә маэстро Дмитрий Крюков етәкселегендәге Башҡортостан Республикаһының Милли симфоник оркестры башҡарыуындағы концерт тура эфирҙа курһәтеләсәк.

Концертта Башҡортостан Республикаһының халыҡ артисы Асҡар Абдразаков, Король опера солисы Ковент-Гарден Айгөл Әхмәтшина, Башҡортостан Республикаһының атҡаҙанған артисы Артур Нәзиуллин, «Премьер» группаһы, «Голос» шоуында ҡатнашыусы Рушана Вәлиева һәм Наҙгөл Отозовалар ҡатнаша.

Концерт барышында тамашасылар 3434 номерына SMS аша аҡса кусереп ауырыу балаларға ярҙам итә ала. Смс аша йыйылған аҡса Русфондҡа күсереләсәк, ул өс баланы дауалауға тәғәйенләнә.