Венгр рәссамы Хәйбуллаға килә

Венгр рәссамы Селлеси Матьяш Венгрия сәнғәт академияһының грантын алыуға өлгәшкән. Ул тәҡдим иткән фотопроекттың төп маҡсаты—башҡорттарҙың тормошон өйрәнеү. Рәссамды халҡыбыҙҙың көнитмеше, йолалары, ғөрөф-ғәҙәттәре ҡыҙыҡһындыра. Венгрҙар үҙ тамырҙары нәҡ ошонда—Көньяҡ Уралда тип иҫәпләй. Телдә лә оҡшаш һүҙҙәр бар. Шуға ла Селлеси Матьяш Башҡортостанда һәм башҡорттар күпләп йәшәгән өлкәләргә барырға уйлай. 21-29 сентябрҙа Миәкә һәм Хәйбулла райондарына сәйәхәт ҡылмаҡсы.