Яҡшы педагог, шәп остаз

Сибай коррекция мәктәбенең тәрбиәсе-уҡытыусыһы Рәйсә Әхмәт ҡыҙы ҠаҺарманова бөтә ғүмерен мәғарифҡа арнаған. Ул Әбйәлил районы ҡыҙы. Башҡорт дәүләт педагогия институтының филология факультетын тамамлағандан һуң 1990 йылда Баймаҡ районының Йәнйегет ауылында рус теле һәм әҙәбиәте, башҡорт теле һәм әҙәбиәте уҡытыусыһы булып эш башлай. Талапсан, үҙ эшен яратып башҡарған йәш белгесте балалар ҙа үҙ итә, дәрестәрен түҙемһеҙлек менән көтөп ала. Тырышлыҡ та бушҡа китмәй: уҡыусылары төрлө конкурстарҙа, ижади бәйгеләрҙә, фәнни-ғәмәли конференцияларҙа призлы урындар яулай. Туған телгә ҡарата һөйөү тәрбиәләүҙә оло яуаплылыҡ тойған уҡытыусы яңынан-яңы методик алымдар ҡуллана, заманса технологияларҙы үҙ итә.

Намыҫлы хеҙмәте Маҡтау ҡағыҙҙары, Почет грамоталар менән баһаланған.

Рәйсә Әхмәт ҡыҙы 2017 йылда Сибай коррекция мәктәбендә тәрбиәсе-уҡытыусы булып эшкә килә. Үҙ эшенең оҫтаһы эшенә бик яуаплы ҡарай. Барлыҡ сараларҙа әүҙем ҡатнаша. Йылы һүҙе, яҡшы кәңәштәре менән һәр кемгә ярҙам итә. Был мәктәптә эшләй башлағандан алып ул тәрбиәселәр ойошмаһы менән етәкселек тә итә. Ата- әсәләр менән тығыҙ бәйләнеш булдырған.

Күп балалы ғаиләлә үҫкән Рәйсә Әхмәт ҡыҙы ире менән 4 ҡыҙ, 1 ул тәрбиәләп үҫтергәндәр. Шәхси хужалыҡтары ҙур, баҡсалары шәп, ҡош-ҡорт үрсетеп, мал-тыуар аҫрап мул тормошта йәшәйҙәр.

Киң күңелле, кешеләргә ҡарата иғтибарлы, бөгөнгө эште иртәгәгә ҡалдырмай, гел генә яҡшы ниәттә йәшәүсе уҡытыусыға артабан да бөтмәҫ-төкәнмәҫ дәрт, һаулыҡ теләйем.

Вилә Мөхәмәтйәнова, Сибай коррекция мәктәбе уҡытыусыһы.

Автор:Гульдар Кадаева

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?