+19 °С
Ясно
2023--Уҡытыусы һәм остаз йылы
6 Января 2022, 08:30
Йылдың иң яҡшы физкультура уҡытыусыһы
Хәйбулла районы Аҡъяр ауылының 2-се мәктәбе уҡытыусыһы Фидан Нураев 2021 йылдың иң яҡшы физкультура уҡытыусыһы булып танылған. Фидан Ғирфан улы Аҡъяр ауылында тыуып үҫкән. БДУ-ның Сибай институтын тамамлағандан һуң мәктәпкә балалар уҡытырға барған. Бына инде 10 йылдан ашыу уҡытыусы йәш быуынды сәләмәт йәшәү рәүешенә ылыҡтыра.
Йылдың иң яҡшы физкультура уҡытыусыһы
--Замана гаджеттарына текләп ултырғансы, спортҡа өҫтөнлөк бирегеҙ. Хәрәкәттә – бәрәкәт, тип өйрәтәм. Уҡыусылар физкультура дәрестәрен ярата. Айырыуса саф һауала үткәрһәң, күҙҙәре янып, дәртләнеп китәләр, -- ти уҡытыусы.
Уҙған йылда Фидан Ғирфан улының тырыш хеҙмәте Физкультурниктар көнө уңайынан Хәйбулла районы хакимиәтенең Почет грамотаһы менән баһаланған.
Йәш белгестең гел шулай маҡсатына табан ныҡлы ынтылыуын теләйбеҙ!
