Сертификат юлла

2020 йылдың 1 сентябренән Башҡортостан Республикаһында 5 йәштән алып 18 йәшкәсә һәр балаға өҫтәмә белем алыу өсөн 8 мең һум аҡса бүленә башлай. Түңәрәктәр, секция, курстарҙы түләүгә бындай сығым ҡулаҡса рәүешендә түгел, электрон сертификат булараҡ биреләсәк. Сертификатты юллау өсөн р02.навигатор.дети. сайтында теркәлергә кәрәк. Логин һәм паролде юғалтмау зарур, сөнки ундай сертификат йыл һайын юллана.

Билдәле булыуынса, аҡса һәр балаға айырым тәғәйенләнә. Шуға күрә, ата-әсәләр һәр балаһын сайтта теркәтергә тейеш.