Яҡташтарыбыҙ «Асы» шифаханаһына юллана

Был конкурсты «Башинформ» агетлығы ойошторғайны. Улар былай тип хәбәр итә:

«Башинформ» мәғлүмәт агентлығының Әсәйҙәр көнө уңайынан ойошторолған конкурсы тамамланды. Социаль селтәрҙә уҙған бәйгелә 60-тан ашыу матур, уңған әсәйҙәрҙең береһенән-береһе йәмлерәк фотоһүрәттәре ҡатнашты.

Конкурста Баймаҡ районының Таулыҡай ауылынан Таңһылыу Сәйетованың һәм Хәйбулла районының Федоровка ауылынан Миңһылыу Әминеваның эштәре еңеүгә лайыҡ булды.

Ихлас күңелдән ҡотлайбыҙ! Алдан вәғәҙә ителгәнсә, еңеүселәр Белорет районындағы Асы шифаханаһына өс көнлөк юллама менән бүләкләнә.