Әбештәр таҡмаҡ әйтә

Хәйбулла районы Әбеш ауылы мәҙәниәт йортонда китапхана, мәҙәниәт йорто хеҙмәткәрҙәре мөмкинселектәре сикләнгәндәр ойошмаһы менән берлектә тәүге тапҡыр "Таҡмаҡ батл-2021 - таҡмаҡтар бәйгеһе" ойошторҙо. Унда Әбеш ауылы биләмәһенә ҡараған Әбеш, Үрнәк, Ҙур Арыҫланғол, Бәләкәй Арыҫланғол, Һаҡмар Наҙарғол ауылдары таҡмаҡсылары ҡатнашты.

--Алты команда араһында таҡмаҡ әйтешеү бик ҡыҙыу барҙы. Бәйге командаларҙың сәләмләүе менән башланды, артабан хәрефкә, һүрәткә, һүҙҙәргә таҡмаҡ уйлау һәм такмакты таны, төрлө милләт таҡмаҡтары, ҡапма - ҡаршы таҡмаҡ әйтеү конкурстарында бер команда ла һынатманы. Жюри төрлө номинациялар буйынса урындар билдәләне. Байрам тәмле сәй табыны артында дауам итте. "Таҡмаҡ батл-2021" бәйгеһен үткәреүҙә ярҙам иткән Әбеш ауыл биләмәһе башлығы Т. М. Юнысовҡа , мәктәп директоры Р.В.Ниғмәтуллинға, мәктәп ашнаҡсыларына һәм байрамға бағыусы булып тәмле- тәмле бәлештәр бешереп биреүсе Әлфиә Әбделмәноваға рәхмәттәребеҙҙе белдерәбеҙ. Һәр ваҡыт берҙәм булайыҡ,--тип яҙа әбештәр социаль селтәрҙә.