Аҡсағыҙ теүәл булһын

Телефондан үҙҙәрен банк хеҙмәткәре итеп таныштырып, мутлыҡ ҡылыусылар һаны артҡандан-арта. 2022 йылдың мартында билдәһеҙ кеше “Т” банкы хеҙмәткәре итеп танытып, гражданин У.-ға шылтыратҡан һәм ҡулайлы шарттарҙа яңы карта асырға тәҡдим иткән. Ҡорбанының элекке картаһы тураһында белешмәләр алғандан һуң, унан 21 мең һум аҡсаһын урлаған. Был мутлыҡ буйынса енәйәт эше асылған. Хөрмәтле сибайҙар! Алдашыусылар тоҙағына берүк эләгә күрмәгеҙ!

Иҫегеҙҙә тотоғоҙ:

-Банк хеҙмәткәрҙәре клиенттарға персональ белешмәләр, карта, иҫәп һандарын, башҡа мәғлүмәт һорап шылтыратмай;

-аҡса юҡҡа сыға тип икенсе иҫәпкә күсереүҙе һорамай, компьютер йәки махсус программа аша аҡса менән ситтән тороп идара итеү программаһын ҡуйыу тураһында һүҙ алып бармай;

-банк картаһын һәм иҫәптең блокировкаланыуы тураһында смс-хәбәр ебәрмәй;

-мутлыҡҡа бәйле ғәмәлдәрҙе кисектереү өсөн карта кодтарын һорамай.

Ришат Вафин, Рәсәй эске эштәр министрлығының Сибай ҡалаһы буйынса бүлегенең тәфтиш бүлеге начальнигы урынбаҫары, юстиция подполковнигы.

Автор:Гульдар Кадаева