Һултантимерҙән Фәриҙә Зәйнулла ҡыҙына 90 йәш!

Йылайыр районының Һултантимер ауылында йәшәүсе Фәриҙә Зәйнулла ҡыҙы ошо көндәрҙә үҙенең 90 йәшен билдәләне. Уны ошо уңайҙан район хакимиәте башлығы Борис Мелкоедов ҡотланы. - Һеҙ Бөйөк Ватан һуғышы йылдарын, унан һуң илде төҙөкләндереү осорондағы ауыр һынауҙарҙы иңендә күтәргән, бөгөнгө матур тормошто төҙөүселәр быуыны вәкиле, хөрмәтле тыл ветераны. Ил тарихында үҙенең тәрән эҙен ҡалдырған ҡатмарлы осорҙарҙы, үҙгәрештәрҙе кисерергә тура килгән Һеҙгә. Үҙегеҙгә терәк, таяныс булырҙай алты бала үҫтергәнһегеҙ. Бөгөн ун өс ейән-ейәнсәрҙәрегеҙҙең, ун ете бүлә-бүсәләрегеҙҙең ҡәҙер-хөрмәтен күреп, һөйөнөп йәшәйһегеҙ. Фәриҙә Зәйнуллы ҡыҙы, һеҙҙе 90 йәшлек юбилейығыҙ менән ҡотлайым! Һеҙгә ныҡлы һаулыҡ, оҙон бәхетле ғүмер, шатлыҡ-ҡыуаныстар теләйем! – тип яҙҙы Борис Николаевич үҙенең социаль селтәрҙәге сәхифәһендә.

Һултантимерҙән Фәриҙә Зәйнулла ҡыҙына 90 йәш!