Өс әсә миҙаллы булды

Балаға ғүмер биреп, уны ысын кеше итеп тәрбиәләүе еңел эш түгел. Күп балалы әсәләр иһә икеләтә маҡтауға лайыҡ. Хәйбулла районы хакимиәте башлығы Рөстәм Шәрипов 5 һәм унан да күп бала тәрбиәләүсе 3 әсәгә “Әсәлек даны” миҙалын тапшырҙы. Алһыу Әбделмәнова, Миңзифа Таһирова һәм Рәйлә Әбсәләмова күп бала бағып өйҙә генә ултырмай, эшләп тә йөрөй.

Уңған ҡатын-ҡыҙҙарҙың барыһы ла ныҡлы ғаиләләре, мөхәббәттәре, балаларҙың бәхетле тауыштары, йәмле йорттары – уларҙың йәшәүҙәренең мәғәнәһе булыуҙарын белдерҙе.

-Әсәләрҙе ихлас ҡотлайым! Һаулыҡ, именлек, ғаилә бәхете теләйем! – тине Рөстәм Динислам улы, әсәләргә миҙалдарын тапшырып.

Өс әсә миҙаллы булды

Автор:Гульдар Кадаева