ҺОҠЛАНДЫРА ВӘЗӘМДӘР

Хәйбулла районының Бәләкәй Арыҫланғол ауылы (халыҡ телендә Вәзәм) "Айыҡ ауыл" конкурсында ҡатнаша. Бында дәртле, берҙәм, оҫта ҡуллы халыҡ йәшәй. Конкурста еңеү яулауҙарына ышаныс бар. Уңыштар теләйек.

--Бәләкәй Арыҫланғол ауыл клубында эшләп килгән "Вәзәм шәле" халыҡ клубы ҡатындары һуҡҡан шәл һәм балаҫтары ҡышҡы матур көндә бигрәк матур, сағыуыраҡ күренә. Ҡышҡы һалҡында йылылыҡ һаҡлаған кәзә мамығынан станокта һуғылған суҡлы шәлдәргэ башҡа шәл етмәйҙер ул. Уларҙың йылылығын ябынған кеше генә белә, тоя ала. Был шәлдәргә апайҙарҙың күҙ нуры, ҡул йылыһы күскән. Афарин уларға,--тип яҙалар Бәләкәй Арыҫланғол ауылы клубының социаль селтәрендәге битләүендә.