Бер күрешеү үҙе бер ғүмер

Ишмөхәмәт ауылы ағинәйҙәре (рәйесе Минсылыу Сәлимова)  Сосновка ауылы ағинәйҙәре (рәйесе Рәшиҙә Ракаева) үткәрелгән сарала ҡатнашты. Кисәнең беренсе өлөшөндә сосновкалар "Бәпес тыуғанда" күрһәтелгән йоланы башҡарҙылар . Артабан " Самауыр" байрамы үткәрелде. Алдынғы механизатор, Социалистик Хеҙмәт геройы Риза Яхиндың улы Рәшит йыйылыусыларҙы атаһы тураһында сығарылған китап менән таныштырҙы. Ҡомартҡы китапты ишмөхәмәттәргә бүләк итте. Йыйын йыр - бейеү менән үрелеп барҙы. Мәҙәниәт йортонда ҡул эштәренән, милли аш-һыуҙан бай күргәҙмә ойошторолған. Ҡул эштәре оҫтаһы Фәниә Теүәлбаеваның ҡул эштәре бигерәк матур. Ике ауыл ағинәйҙәре бергәләшеп сәй эсеп, уйындар ойоштороп, артабанда бергәләшеп саралар үткәрергә һөйләшеп таралышты.