Ярҙам күрһәтелә

Аралар йыраҡ булһа ла, берҙәмлек булғанда барыһы ла мөмкин. Хәйбулла районы ирекмәндәре һәм Өфөлә йәшәүсе яҡташыбыҙ Альбина Әфләтунова тағы ла көстәрен берләштереп, махсус хәрби операция зонаһына сираттағы гуманитар йөк оҙатты.

Ебәрелгән әйберҙәр исемлеге бик бай: 13 куб таҡта, маскировка селтәрҙәре, газ баллондары, аҙыҡ-түлек, һыу һәм гигиена кәрәк-яраҡтары. Шулай уҡ яҡташыбыҙ Гөлдәр Сибағатуллина госпиталдәр өсөн 80 карауат бүләк иткән. Был йөк егеттәребеҙҙең ихтыяждарын иҫәпкә алып тупланған.

Ярҙамын йәлләмәгән, изге эштә ҡатнашҡан һәр кемгә ҙур рәхмәт!