Буранбайҙар бирсәткә бәйләй

Баймаҡ районының Буранбай китапханаһы "Йолаларыбыҙ- милли сәнғәт нигеҙе" исемле проектын тормошҡа ашыра.Ошо проект сиктәрендә ауылдың уңған ҡатын -ҡыҙҙары кис ултырыу йолаһын күрһәткәндә һалдаттарға өс бармаҡлы бирсәткә бәйләргә йыйылды."Кемдәрҙер йөн тетте, кемдер иләне, бәғзеләр бәйләне. Эш барышында йәш ваҡытта йырлаған йырҙарын һуҙып, моңланып та алдылар.

Шулай итеп, йолала старт алған бәйләү уңышлы дауам итеп, Ҡотосова Фирүзә Ҡәһәрмән ҡыҙы, Әминева Сафия Ҡәһәрмән ҡыҙы 10 пар , Баймаҡтан хажиә Багилдина Айһылыу Фуат ҡыҙы менән Буранбайҙан Буранбаева Флорида Ҡәнзәфәр ҡыҙы 20 пар йылы бирсәткә бәйләгән!
Һалдаттарыбыҙға тип ниәтләп бәйләгән бирсәткәләребеҙ барып етеп, улар ҡыуанып кейһен!Тыуған яҡтарға имен-һау, тиҙерәк еңеү менән әйләнеп ҡайтһындар!" - тип яҙа буранбайҙар социаль селтәрҙә.
Ҡулығыҙҙан һөйөнөгөҙ! Үҙебеҙҙекеләрҙе ташларға ярамай!

Ауылдан өлөшләтә мобилизацияға эләккән ир-егеттәр ҙә, контракт буйынса хеҙмәт иткәндәр ҙә бар. Уларҙың ата-әсәләренә, ғаиләләренә ярҙам итеү, дөйөм эшкә өлөш индереү ҙә мәрхәмәтлек сағылышы. Ил өсөн ауыр мәлдә берләшергә кәрәк. Шунһыҙ еңеүҙе яҡынайтып булмай.

Автор:Гульдар Кадаева

Читайте нас: