Шулай ҙа була икән

Башҡортостан Республикаһының Эске эштәр министрлығы хәбәр итеүенсә, Стәрлетамаҡ районы Күсәрбай ауылында йәшәүсе ҡатын туңдырғыстан 2 ҡаҙ һәм 18 өйрәк түшкәләренең юғалыуы тураһында ғариза яҙған. Асыҡланыуынса, ҡатындың 23 йәшлек ҡыҙы ялға ҡайтып, әҙер түшкәләрҙе тейәп алып киткән. Ике ҡаҙҙы таксистҡа юл хаҡы өсөн тотторған да, ҡалғандарын Салауат ҡалаһы урамдары буйлап йөрөп һатып бөткән.

23 йәшлек ҡатынға ҡарата енәйәт эше асылған. Әлегә тикшереү эштәре алып барыла.