Тағы шул наркотиктар...

Anadolu Ajansi мәғлүмәт каналы хәбәр итеүенсә, Төркиә хоҡуҡ һаҡлау органдары ил сигендә наркотик таратыусылар бандаһын ҡулға алған. Уларҙан йәмғеһе 2,4 миллионға яҡын каннибис үләне тамыры һәм марихуана тартып алынған. Был наркотиктар тиҙ арала юҡ ителгән.

Банда ағзаларын тотоу илдең көньяҡ-көнсығышында урынлашҡан Диәрбаҡыр ҡалаһында ойошторолған. Мәғлүм булыуынса, күп наркодилерҙар Төркиәнең был ҡалаһын Афғанстандан наркотик сығарыу өсөн ҡуллана.