Алтын туйҙар гөрләне

БАЙМАҠ районының Сыңғыҙ ауылында йәшәүсе Туйсиндар — Әкрәм Рысҡужа улы менән Мәҙинә Ғүмәр ҡыҙы, Усмановтар — Фәйзрахман Егетбай улы менән Дамира Дамулла ҡыҙы иңгә-иң терәп бергә ғүмер итеүенә 50 йыл. Алтын туйҙарын билдәләүсе ғаилә парҙарын Таулыҡай ауылы хакимиәте башлығы Сәитов Фуат Әхмәт улы ҡотланы һәм уларға Республика Башлығы Радий Хәбировтың ҡотлау хаты һәм махсус бүләген тапшырҙы. Туйсиндар ҙа, Усмановтар ҙа ғүмерҙәрен намыҫлы хеҙмәткә бағышлаған, матур балалар тәрбиәләп, оло тормошҡа аяҡ баҫтырған.

Бер -береһен ҡәҙер-хөрмәт итеп,йылы тойғоларын олоғайған көндәренә тиклем һаҡлаған,иңгә-иң терәп 50 йыл бергә йәшәгән парҙарға алдағы көндәрҙә лә гел шатлыҡ-ҡыуаныстар юлдаш булһын,пар ҡанаттары ҡайрылмаһын,балаларының изгелеген күреп,оҙон-оҙаҡ йәшәргә яҙһын!

Алтын туйҙар гөрләне

Автор:Гульдар Кадаева