ЙОМА ТАБЫНЫ БӘРӘКӘТЛЕ БУЛҺЫН!

Ҡыҙыл эремсекле алма бәлеше Ҡамыр өсөн: 200 гр аҡ май, 100 гр шәкәр, 2 йомортҡа, 2-3 аш ҡалағы магазин ҡаймағы, 300-350 г он, 1 сәй ҡалағы ҡамыр йомшартҡыс, бер семтем тоҙ. Ҡамырға онда яйлап ҡушабыҙ. Аҙ булһа, бер аҙ өҫтәйбеҙ. Эслек өсөн: ҡыҙыл эремсек, алма (шәкәр ҡушып бер аҙ ғына бешереп алабыҙ), 20 процентлы магазин ҡаймағы, 2 аш ҡалағы шәкәр.

Эш барышы:

*Майҙы шаҡмаҡлап турайбыҙ.

*Шәкәрҙе май менән бутайбыҙ.
* 4 аш ҡалағы он һалып валсыҡ хасил булғансы ыуабыҙ.

*Ике йомортҡаны, магазин ҡаймағын һалабыҙ.

*Ҡалған ондо, ҡамыр йомшартҡысты һалып, ҡамыр баҫабыҙ. Артыҡ йомшаҡ булһа, 4-5 аш ҡалағы он ҡушырға. Ҡамырҙы мешокка һалып, һыуытҡысҡа ярты сәғәткә ҡуябыҙ. Ҡамыр ял иткәндә эслек әҙерләйбеҙ.

Ҡыҙыл эремсек әҙерләп ҡуябыҙ. Алманы турайбыҙ, шәкәр ҡушып, 1-2 аш ҡалағы һыу һалып парландырып бешереп алабыҙ. һыуытырға ҡуябыҙ.

100 гр, 20 процентлы ҡаймаҡҡа 2 аш ҡалағы шәкәр ҡушып яҡшылап бутайбыҙ.

Ҡамырҙы һыуытҡыстан алып, таба төбәнә йәйәбеҙ ҙә тәүҙә ҡыҙыл эремсек һалабыҙ. Унан алмаларҙы теҙәбеҙ, өҫтөнә ҡаймаҡ ҡатышмаһын ҡоябыҙ.

Г.Фәтхулова.

Автор:Резеда Валиева

Читайте нас

Партнеры