Ишбирҙеләр селтәр үрә

Баймаҡ районы Ишберҙе ауылының уңған ҡатын-ҡыҙҙары спорт һауыҡтырыу үҙәгенә көн дә маскировка селтәрҙәре үрергә йөрөй. Ауыл ҡатын-ҡыҙҙары көнө уңайынан эш араһында күңел асып та өлгөрҙөләр. Тәмле сәй табынынан һуң ауылдың фельдшеры Зөмәрә Фәтхетдин ҡыҙы "Ауыл ҡатын-ҡыҙҙары сәләмәтлеген хәстәрләйме?" темаһына әңгәмә ҡорҙо. Унда Бикҡолова Мәрйәмә "Яңғыҙ ҡатын" исемле шиғырҙы уҡынып ишеттерҙе. Ысынлап та, ауыл ҡатын-ҡыҙҙары эшенә лә өлгөрә, ғаиләһен дә ҡарай. Һоҡланғыс ҡатын-ҡыҙҙар етерлек ауылда. Эштәр уң булһын, тиҙерәк еңеү килһен тигән берҙәм теләктә һәр кем дә.

Әйткәндәй, мәктәптә үткән Көҙгө йәрминкәлә йыйылған 12000 һум аҡсаны мәктәп директоры Ләйсән Сәфәрғәли ҡыҙы шәфҡәтлелек эштәрен ойоштороп йөрөүсе Зәбирә Йәғәфәр ҡыҙына тапшырҙы. Кисәсәктә аҡсалар маскировка селтәрҙәренә материалдар һәм йылы ойоҡбаштар бәйләүгә пряжа алыуға тотоноласаҡ.

Ишбирҙенән махсус хәрби операцияла бик күп ир-егеттәр ҡатнаша. Ҡыҙғанысҡа күрә, һәләк булыусылар ҙа байтаҡ.