+24 °С
Ямғыр
Фекер
2 Сентябрь 2025, 06:30
Рәсәй яҙыусыһы Вадим Зеланд кәңәштәре
Насар һауа торошонан, сираттан, тығындарҙан, проблемаларҙан, теләһә ҡайһы негативтан да ләззәт табырға өйрәнегеҙ. Был үҙенә күрә мазохизм, әммә һеҙҙең тормоштоң күген таҙаларға мөмкинлек бирә. Бөгөнгө уңышһыҙлығығыҙ ҡасан булһа ла һеҙҙең файҙаға буласағын уйлағыҙ. Шулай буласаҡ, үҙегеҙ инанырһығыҙ. Теләп кенә ҡалмағыҙ, теләгән нәмәгеҙ һеҙҙә булһын өсөн тырышығыҙ, шул саҡта теләгәнегеҙҙе алырһығыҙ. Иң ауыры—көтөү, бер үк ваҡытта тыныс ҡалыу. Тормош һынауындағы паузаны ла күтәрә белергә кәрәк.
- Ҡәнәғәтһеҙлек белдереп йә иһә хөкүмәтте, түрәләрҙе, футболистарҙы, һауа торошон, коллегаларығыҙҙы, күршеләрегеҙҙе, яҡындарығыҙҙы, балаларығыҙҙы әрләп, һеҙ тормош көҙгөһөндә үҙегеҙгә кәрәкмәгәнде сағылдыраһығыҙ һәм ысынбарлыҡта шуны алаһығыҙ ҙа.
- Үҙегеҙгә нисек барһығыҙ шулай булырға ирек бирегеҙ. Йәғни үҙегеҙҙе ҡабул итегеҙ! Ә башҡаларға үҙҙәре булып ҡалырға форсат бирегеҙ. Уларҙан булмаған һәм булмаясаҡты көтөп ниңә үҙегеҙҙе яфаларға? Булғанынса ҡабул итегеҙ һәм хәл яҡшыға үҙгәрер.
- Үҙ «проектор»ығыҙҙа әйләнгән киноны ғына ҡарарға була. Нимәне һүрәткә төшөрәһегеҙ—шуны күрәһегеҙ. Кешеләр киреһенсә эшләй: нимәне күрә—шуны төшөрә. Проблема ошонда бит. Айырмаһын күрәһегеҙме?
- Һеҙ беренсел стереотипты боҙһағыҙ ғына, мөғжизә буласаҡ. Бының өсөн маҡсатҡа өлгәшеү сараһын түгел, маҡсаттың үҙен алға ҡуйырға кәрәк.
- Әгәр һеҙ үҙегеҙҙе «был замандан түгелмен» тиһәгеҙ йә иһә был донъя менән «нимәлер булған» тип уйлаһағыҙ, тимәк, һеҙ уяна башлағанһығыҙ йә уянғанһығыҙ. Был яҡшы.
- Әгәр һеҙ тиҫкәреләнеп һәм туҡтамаҫтан үҙ «кино»ғыҙҙы башығыҙҙа әйләндереп маҡсатығыҙға табан барһағыҙ, был ысынбарлыҡҡа алып килеп еткерә. Инициатива кәрәк.
- Нимә эшләргә ярамай? Үҙ тормошоғоҙға зарланырға һәм төңөлөргә. Уңманым тип уйламағыҙ. Һеҙгә нисә йәш булһа ла! Был тормошта бер нәмә лә юҡҡа түгел.
Резеда Усманова тәржемәһе.
*Башҡа сайт һәм социаль селтәрҙәргә авторһыҙ һәм уның рөхсәтенән тыш алыу тыйыла. «Бәйләнештә» репост мөмкин.
