Ҡырмыҫҡаларҙан нисек ҡотолорға?

Яҙ үҙ көсөнә инә... Оҙаҡламай баҡса эштәре башланасаҡ. Һәр кем йәйҙең файҙаһын күреп ҡалырға тырыша. Тик бына ҡоротҡостарҙың һөжүменән нисек ҡотолорға белмәй аптыраусылар ҙа бар... Һеҙгә бәләкәй генә бер кәңәш, дуҫтар! Ҡулланып ҡарағыҙ, бәлки файҙаһы тейер.

Баҡсағыҙҙа ҡырмыҫҡалар күпме? Бер бәләкәй пакет бор кислотаһы (10 гр), өс йомортҡа һарыһы, ярты балғалаҡ бал йәки ҡуйы ҡайнатма алығыҙ. Барыһын бергә ҡушып, таралып торған масса килеп сыҡҡансы болғатығыҙ. Был массаны ҡапҡаслы бәләкәй банкала һаҡларға була.
Ҡырмыҫҡаларҙан ҡотолоу өсөн әлеге массаны әҙ генә миҡдарҙа ҡырмыҫҡаларҙың юлына (ергә, ағас ботаҡтарына) таратып һалырға ғына кәрәк.
Ҡырмыҫҡалар тиҙ арала юҡҡа сығыр!

Мотал Рәмов.

Автор:Резеда Валиева