+24 °С
Ямғыр
Фекер
8 Ноябрь 2023, 05:35
Балаң кем булам ти?
Элек балалар: “Мин үҫкәс космонавт булам”, “Уҡытыусы булам”, “Табип булам”, “Шофер булам”, “Игенсе булам” тип үҫте. Бөгөн улар “Блогер булам” ти… Тирә-яҡҡа ҡарайыҡ әле: бөгөн кемде күберәк күрһәтәләр, яҙалар? Ярай ҙа һуң мәҙәни үҫеш килтерерҙәй, аҡыллы блогерҙар булһа! Ә бит улар араһында оятһыҙ, хатта аҡыл яғы самалы кешеләр бар…Балаларыбыҙ шуларға оҡшарға теләйме ул? Ошо хаҡта уйланғанығыҙ бармы? Блогерҙар шул тиклем шәпме ни? Ниңә уларҙан кумир яһайбыҙ? Ә ниңә киләсәк быуынға белем бирәм, үҫтерәм тигән уҡытыусының абруйын “һалып тапайбыҙ”?
Балаң кем булам ти?
Хатта ошо сайтҡа, социаль селтәргә уҡытыусы, табип йә һауынсы, игенсе хаҡында, ауылының шишмәһен таҙалап, кәртәләп йөрөүсе ябай пенсионер тураһында яҙһаҡ та “лайк” бик аҙ. Ә юҡ-бар блогерҙың яҙмаһын ҡуйыуың була…Ууу, просмотр китә геүләп…Был нимә хаҡында һөйләй? Әлбиттә, мәҙәни кимәл хаҡында! Уйланайыҡ әле. Кимәлде күтәрәйек! Балаларға өлгө булайыҡ!
Кафеларға инеп, 600-700-гә бер пицца алғансы, китап алайыҡ, гәзит-журналға яҙылайыҡ, спектакль-концерттарға йөрөйөк. Үҙгәрәйек!
